Bazar ertəsi bir qrup heyvan müdafiəçisi Bakının mərkəzində Fəvvarələr Meydanında etiraz aksiyası təşkil edib. Onlar “Heyvanları öldürməyə son qoyun!”, “Öldürmə, qoy yaşasın!”, “Konvensiyaya əməl et!” və digər şüarları səsləndiriblər.
Aksiya iştirakçıları ev heyvanlarının mühafizəsi haqqında Avropa Konvensiyasının tələblərinə riayət olunmasını və itlərin vurulmasına görə məsul şəxslərin cəzalandırılmasını tələb ediblər.
Onlar hesab edirlər ki, indi “it damı” funksiyasını sahibsiz itlərinə Qayğı Mərkəzi “Toplan” həyata keçirir.
Polis aksiyanın qarşısını alıb və bir neçə iştirakçını, o cümlədən Zəhra Kələntərova, Kamran Məmmədli, Elxan Mirzəyev və Sənay Qəhrəmanlını saxlayıb Aksiyanın başlanmadan öncə onun təşkilatçısı Nicat İsmayılov saxlanılıb.
Aksiya iştirakçılarından biri küçələrdə mal-qaranın kəsilməsinə son qoyulmasının vacibliyini bildirib. “Hər gün pəncərənin önündə heyvan qanı görürəm. Biz insanların gözləri qarşısında heyvanların kəsilməsindən bezdik artıq”, – etirazçı deyib.
Digər iştirakçı heyvan və vəhşi quşların ovlanmasına, o cümlədən xarici turistlər tərəfindən ovlanmasına son qoyulmasını tələb edib.
Hefteaz.tv
