Mirzə Xəzər
Hakimiyyətin mərsiyəsine züy tutan media, vətəndaşı inandırmağa çalışır ki, manatın güllələnməsi üçün Beynəlxalq Bank və Mərkəzi Bank məsuliyyət daşıyır, yazıq İlham Əliyevin heç nədən xəbəri yoxdur. Lap gözümüz yaşardı! Utanmasan danışmağa nə var ki, vətəndaşa dərs verməyin! Xalq bilir ki, Azərbaycanda neftin də, bankın da, manatın da, yerin altının da, üstünün də bir sahibi var – İlham! Hər bir qərar üçün o, cavabdehdi… təzəcə aldığımız xəbərə görə, Azərbaycan prezidenti İlham Əliyev martın 3-də Bolqarıstan Respublikasına səfərə gedib. Bolqarların müftə pula ehtiyacı var, cənab prezident. Elin cibinde olsun! Azırbaycan prezidenti isə əcnəbilər üçün səxavətlidir: Səxavət görmək istəyən Azərbaycana gəlsin! Müftə kef çəkmək istəyən Azərbaycana gəlsin! “The Guardian” adlı Britaniya qəzeti yazır ki, Ilham Əliyev Avropa Oyunlarının keçirilməsi məqsədilə idman obyektlərinin tikilməsi və infrastruktura 6,5 milyard (bu məbləğ devalvasiyadan əvvəl 7 milyard 865 milyon manat idi, hazırda isə 10 milyard 700 milyon manata yaxındır- azadlıq.info) funt-sterlinq pul xərcləyib. 10 milyard 700 milyon manat? Dəhşətdir! İnanılmazdır! Oyunların iştirakçılarının xərcləri bu məbləğə daxil deyil. Olimpiadanın 50 ölkədən olan iştirakçılarının hamısının bütün xərclərinin (təyyarə, otel, yemək və s.) Azərbaycan hökuməti tərəfindən ödəniləcək. “The Guardian” qeyd edir ki, Beynəlxalq hüquq müdafiə təşkilatı olan “Index on Censorship” Əliyevi ölkədəki repressiyaları ört-basdır etmək üçün Olimpiya oyunlarından yararlanmaq cəhdində ittiham edib… Gəl, gəl, a yaz günləri, İlin əziz günləri. Dağda ərit qarları, Bağda ərit qarları. Çaylar daşıb sel olsun… Olimpiya oyunlarına 10 milyarddan çox dollar xərcləyən Azərbaycan vətəndaşının faciəsi: vətəndə qəm, qürbətdə dəm…Türkiyənin Kayseri şəhərində yaşayan Validə Həsənova iki uşağı ilə çarəsiz vəziyyətdə qalıb. Evləri qəzalı vəziyyətdə olan azərbaycanlı qadın Azərbaycanda və Türkiyədə imkanlı şəxslərdən və aidiyyəti qurumlardan kömək gözləyir. Olimpiya oyunlarına 10 milyard manat xərcləyən Azərbaycan, hardasan?
