Bu il ilk dəfə Bakıda keçiriləcək Avropa Oyunları ilə əlaqədar paytaxtda geniş quruculuq və rekonstruksuya işləri həyata keçrilir. Bina fasadlarının bədii-estetik cəhətdən yenidən qurulması, bina damlarının, binadaxili infrastruktur və kommunikasiyaların bərpası işləri Bakı səhər İcra Hakimiyyəti tərfindən ayrı-ayrı şirkətlərə həvalə olunub. Ancaq təəssüf ki, paytaxtın daha da gözəlləşməsinə xidmət edən bu işin həyata keçrilməsində bəzi şirkətlər tərəfindən məsuliyyətsizliyə yol verilir. Bunun nəticədə vətəndaşlara ciddi ziyan dəyir, dövlətdən narazılıq yaranır.
Elə Xətai rayonu Ziğ yolu 22 mənzil 125-də yaşayan Musayeva İlkanə Qəzənfər qızı tərəfindən ”Hefteaz.tv” saytı vaistəsilə Heydər Əliyev Fondunun Prezidenti, Avropa Oyunları Təşkilat Komitəsinin sədri, millət vəkili Mehriban xanım Əliyevaya ünvanlanan müraciət də bunu təsdiqləyir. Həmin müraciəti dərc edirik:
“Hörmətli Mehriban xanım!
Sizin, 2015 ilin 12-26 İyun tarixlərində Bakıda keçirilməsi nəzərdə tutulan ilk Avropa Oyunlarının Təşkilat Komitəsinin sədri kimi yorulmaz fəaliiyyətiniz göz qabağındadır. Möhtərəm Prezidentimiz İlham Əliyevin və Sizin birbaşa rəhbərliyiniz altında tikilib istifadəyə verilən idman kompleksləri Azərbaycan xalqının sağlam gələcəyinə mühüm töhvə verməklə bərabər, Bakı şəhərinin arxitekturasına daha da gözəllik gətirir.
Müasir beynəlxalq standartlara uyğun lahiyələşdirilmiş bu tikililər öz mükəmməlliyi ilə göz oxşayır. Şübhə yoxdur ki, görülən bu geniş miqyaslı işlər şəhərimizə gəlişi gözlənilən çoxsaylı xarici qonaqlarda ölkəmiz barədə xoş təəssüratlar yaradacaqdır. Ona görə də xalqımız bütün bu işləri dəstəkləyir.
Bununla yanaşı, şəhərimizdə Prezident İlham Əliyevin və Sizin təşəbbüsünüz, həmçinin bibaşa nəzarətinz altında aparılan abadlıq isləri də göz qabağındadr. Belə ki, Sovet dövründe tikilmiş və bir-birinə bənzər yöndəmsiz binalar yenidən restavrasiya olunur, onların görüntüsünə muasir texnologiyalarla hazırlanmıs yeni elementlerin əlavə edilir. Bu da Bakımızın qısa müddətdə dünyanın ən inkişaf etmiş iri şəhərləri ilə bir sıraya yüksəlməsinə gətirib çıxarmaqdadır.
Hörmətli Mehriban xanım!
Bilirik ki, Sizin çoxsahəli fəaliyyətiniz Azərbaycan vətəndaşların yaşayışının daha yüksək səviyyədə qurulmasına yönəlib. Buna görə də rəhbərlik etdiyiniz Fond bir tərəfdən ölkədə təhsiin və səhiyyənin inkişafı, dini və tarixi dəyərlərimizin təbliği istiqamətndə böyük işlər görür, digər tərəfdən aztəminatlı ailələrin, uşaq evlərinin, əlilərin qayğısına qalır, xeyriyyəçiliklə məşğul olur.
Eyni zamanda, şəxsən Sizin daim ədalaət tərəfdarı olaraq zəifin, xəstənin və kasıb insanların yardımcısı olmanız Heydər Əliyev Fondunu hamının ümid yerinə çevrib. Buna görə də, bəzi dövlət məmurları tərəfindən ədalətsizliyə, süründürməçiliyə düçar olmuş şəxslər son ümid yerini Sizə muraciət etməkdə görür. Mən də bu qəbildən olan Azərbaycan Respublikasi vətəndaslarindan biriyəm.
Belə ki, hazırda Bakı şəhəri, Xətai rayonu Zığ yolu 22 ünvanında yerləşən binada “QLOBAL- MMC” şirkəti tərəfindən fasadın bədii-estetik cəhətdən yenidən qurulması işləri aparılır. Ancaq şirkət ona həvalə olunan işləri görərkən texniki təhlükəsizlik qaydalarına əməl etməyib. Bunun nəticəsində 23.12.2014-cü il tarixində mənə məxsus mənzilin bağlı eyvanında yanğın hadisəsi baş verib. Hadisəyə səbəb “QLOBAL- MMC” şirkətinin işçilərinin apardığı qaynaq işləri olmuşdur. Yanğın sonradan söndürülsə də, hadisə nəticəsində mənə məxsus mənzilin eyvan və ona bitişik bir otağım yaşayış üçün yararsız vəziyyətə düşüb.
Hörmətli Mehriban xanım!
Evimə dəymis ziyanın aradan qaldırılması məqsədilə dəfələrlə “QLOBAL- MMC” şirkətinin ərazidə işlərə nəzarə edən nümayəndəliyinin rəhbərliyinə müraciət etsəm də, onlar heç bir addım atmayıblar. Mənim şikayətlərimə laqeyd yanaşılıb, ailəmizə dəymiş maddi və mənəvi zərər ödənilməyib. O vaxtdan mənzilimin yararsız vəziyyətə düşməsi artıq neçə aydır ki, bayramları övladlarımla birgə evimdə keçirməyə imkan vermir. Maddi vəziyyətim mənzili özümün təmir etməsinə də imkan vermir.
Hörmətli Mehriban xanım!
“QLOBAL MMC” şirkətinin mənzilimə vurduğu ziyanı ödəmək niyyətinin olmadığından, Sizə müraciət etmək məcburuyyətində qaldım. Ümid yerim Sizsiniz. Yuxarıda gostərilnləri nəzərə alaraq, “QLOBAL-MMC” şirkətinin işçilərinin məsuliyyətsiziyi üzündən yaranmış problemin həlli istiqamətində müvafiq göstəriş verməyinizi bir ana kimi Sizdən xahiş edirəm. Əvvəlcədən Sizə təşəkkür edirəm!
Hörmətlə İlkanə Musayeva.”
P.S. “QLOBAL- MMC” şirkətinin də mövqeyini dərc etməyə hazırıq. Mövzunu diqqətdə saxlaycağıq.
