Abbas Abbasovun Boris Nemtsovla əlaqələri olub.
Rusiyada qətlə yetirilən liberal müxalifətçinin Azərbaycanın baş nazirinin sabiq müavini ilə çox yaxşı münasibətləri varmış. Tia.az-ın əldə etdiyi məlumatda qeyd olunur ki, bu əlaqələr 90-cı illərə söykənir. Həmin dövrdə Rusiya iqtidarında olan Nemtsovla Azərbaycanda hökumətində təmsil olunan Abbasovun münasibətləri yaranıb. Bu əlaqələr biznes müstəvisində inkişaf etdirilib. Abbasovun Moskvada müxalif liderlə şərik ticarəti olduğu iddia olunur. Rusiya müxalifətinin tanınmış liderlərindən olan Boris Nemtsov fevralın 27-də Moskvada öldürülüb. İnformasiya agentlikləri Boris Nemtsovun gecə saatlarında Moskvanın mərkəzində gəzinti zamanı naməlum adamlar tərəfindən güllələndiyini, aldığı 4 güllə yarasından isə öldüyünü xəbər verirlər. O, Rusiya Baş nazirinin müavini olmuşdu. Keçmiş prezident Boris Yeltsindən sonra ölkə rəhbərliyinə ən şanslı namizəd kimi uzun müddət adı hallanmışdı.
