Bizimxeber.az-a telekanal rəhbərliyinə yaxın olan mənbələrdən daxil olan məlumata görə, son bir ayda ATV-dən 100-dən artıq əməkdaş uzaqlaşdırlıb.
Məlumatda qeyd olunur ki, hazırda ATV-nin direktoru Vuqar Qaradağlı ilə Xəbərlər Departamentinin rəhbəri Məqsəd Nur arasında ciddi problemlər yaşanır. Hətta bir neçə gün əvvəl Məqsəd Nur özünə yaxın olan daha bir neçə işçini kanaldan uzaqlaşdırıb. Onların arasında redaktor vəzifəsində çalışanlar da da var. Bunun da məqsədli şəkildə edildiyini deyən mənbə bildirir ki, yaxın günlərdə Məqsəd Nur da ATV-ni tərk edərək “Xəzər” Televiziyasının Xəbərlər Departamentinin rəhəbri təyin olunacaq. Hətta Məqsəd Nurla “Xəzər” TV rəhbərliyi arasında müəyyən razılığın əldə olunduğu da verilən xəbərlər sırasındadır.ATV-də gedən kütləvi ixtisarlara gəldirkdə isə mənbə qeyd edir ki, Vüqar Qaradağlı direktor təyin olunan ilk gündən qeyri peşəkarları, dost-tanışı kanala dəvət edib. Bir müddət sonra isə kanalın fəaliyyətində heç bir irəliləyişin olmadığını görən rəhbərlik belə bir addımın atılmasını Vüqar Qaradağlının qarşısında şərt kimi qoyub. Ehtimal ki, yaxın vaxtlarda Vüqar Qaradağlı da ATV-dən uzaqlaşdırılacaq…
Məlumat üçün bildirək ki, Vüqar Qaradağlı ilə Məqsəd Nur uzun illər “Lider” televiziyasında çalışıblar. O zaman da V.Qaradağlı ikincini işdən kənarlaşdırmışdı. Bir müddət sonra isə Vüqar Qaradağlının özünü “Lider” TV-dən uzaqlaşdırdılar. Bir müddət işsiz qalan Qaradağlı eks-millət vəkili, rüşvət qalmaqalı ilə həbs olunan Gülər Əhmədovanın təsisçisi olduğu “Mərkəz” qəzetinin baş redaktoru oldu.
Daha sonra isə ATV-də direktor təyin olundu.
Hefteaz.tv
