Birləşmiş Ştatlar Rusiya ilə aralarında qeyri-rəsmi toqquşmadan narahatdır
Amerika Rusiyapərəst qüvvələrlə mübarizə üçün Ukrayna hökümətinə silah göndərməyi düşünür.
ANS PRESS-in məlumatına görə, hazırda ABŞ administrasiyasında müdafiə silahlarının göndərilmə ehtimalları ətrafında müzakirələr gedir.
Milli Təhlükəsizliyin sözçüsü Bernadette Mehan hələlik heç bir qərarın verilmədiyi və ABŞ-ın mütəmadi olaraq Ukrayna ilə bağlı siyasətini nəzərdən keçirdiyini bildirib.
Prezident Barak Obama Ukrayna Ordusunu birbaşa silahlandırmağın tərəfdarı deyil, çünki ABŞ və Rusiya arasında qeyri-rəsmi döyüşlərin olmasından narahatdır.
Müzakirələr son günlər Ukraynanın şərqində başlanan qəfil qızğın döyüşlərdən sonra aparılır.
Qeyd edək ki, ABŞ hazırda Ukraynanı qaz maskaları və radar texnologiyaları kimi qeyri-döyüş sursatları ilə təmin edir.
ANS PRESS
