Bu açıqlama ilə ABŞ Milli Kəşfiyyat Agentliyinin direktoru Ceyms Kleper çıxış edib.

C.Kleper Birləşmiş Ştatların xüsusi xidmət orqanlarının beynəlxalq təhlükələr barədəki hesabatını bu günlərdə ABŞ Konqresinə təqdim edib.

ABŞ Milli Kəşfiyyat Agentliyinin rəsmi saytında verilən xəbərə görə, C.Kleper hesabatın Qarabağ məsələsinə dair hissəsində bədbin proqnozlarla çıxış edib.

“2014-cü ildə Ermənistan və Azərbaycan qoşunlarının təmas xəttində atəşkəs rejiminin pozulması hallarında və ölümlə nəticələnmiş halların artımında rekord göstəricilər qeydə alınıb. Zorakılıq və ölüm hallarının bu cür artımı onu sübut edir ki, qarşı duran tərəflərin silahlı qüvvələrinin bu qədər yaxın məsafədə yerləşməsi yanlış hesablama və ya nəzərə alınmayan gərginlik risklərini artırmaqda davam edir. Münaqişənin dinc yolla tənzimlənməsi perspektivləri yaxın gələcəkdə dumanlı görünür” – deyə C.Kleper bildirib.