Ermənistan mətbuatı minaya düşən hərbçilərin videosunu yaydı
Yanvar ayının 31-də cəbhədə təxribat törədən Ermənistan Silahlı Qüvvələrinin hərbi qulluqçularının məhv edildiyi əməliyyatın görüntüləri yayılıb.
ANS PRESS-in məlumatına görə, video YouTube videoportalına yüklənib.
Videodan aydın görünür ki, Qazax rayonu istiqamətində cəbhə xəttində təxribat törətmək istəyən 6 erməni hərbçisi dağlıq ərazidə minaya düşür.
Güclü partlayış nətəicəsində 6 erməni hərbi qulluqçusu məhv edilib.
Qeyd edək ki, Azərbaycan Müdafiə Nazirliyi açıqlama vermişdi ki, yanvarın 31-də Silahlı Qüvvələrimizin bölmələrinin sayıqlığı və görülən qabaqlayıcı tədbirlər nəticəsində təxribat törətmək məqsədilə minalanmış sahədən keçid açmağa cəhd göstərən düşmənin 6 nəfərdən ibarət hərbi qulluqçusu tam məhv edilib.
ANS PRESS
