Yaxud fəaliyyətində nöqsanlar olan şəxs niyə DIN-də idarə rəisi vəzifəsinə təyin edilib?
Daxili işlər naziri Ramil Usubovun iştirakı ilə Bakı Şəhər Baş Polis Idarəsində 2014-cü ilin yekunlarına həsr olunmuş geniş əməliyyat müşavirəsi keçirilib.
Daxili Işlər Nazirliyinin mətbuat xidmətindən verilən məlumata görə, müşavirəni açan Ramil Usubov qeyd edib ki, ötən il qanunla müəyyən edilmiş vəzifələr, o cümlədən vətəndaşların hüquq və azadlıqlarının təmin edilməsi, cinayət törətmiş şəxslərin məsuliyyətə cəlb olunması istiqamətində məqsədyönlü tədbirlər davam etdirilsə də, paytaxt polisinin xüsusən idarəçilik fəaliyyətində nöqsanlara yol verilib.
Müşavirədə Bakı Şəhər Baş Polis Idarəsinin rəisi Mirqafar Seyidov hesabat məruzəsi ilə çıxış edib. Çıxış edənlər əldə olunmuş müsbət nəticələrdən, həmçinin, yol verilmiş nöqsan və çatışmazlıqlardan, onların aradan qaldırılması üçün görəcəkləri tədbirlərdən danışıblar.
Bakı Şəhər Baş Polis Idarəsinin rəisi Mirqafar Seyidov bu vəzifəyə yeni təyin olunub. Ona görə də Ramil Usubovun tənqidlərinin keçmiş rəis Rafiq Abbasova aid olduğunu söyləmək olar. Nazirin dediklərindən belə aydın olur ki, Rafiq Abbasovun fəaliyyətində nöqsanlar olub. Lakin maraqlıdır ki, Ramil Usubov Rafiq Abbasovu DIN-in Baş Kadrlar Idarəsinə rəis vəzifəsinə təyin edib.
