Vidadi İsgəndərli: «Qüdrət Həsənquliyevin üzərindən bulduzer kimi keçəcəm»
Aqil Mahmudov : “Bu gün əsil müxalifət Vidadi İsgəndərli kimi şəxslərdir”
Xəbər verdiyimiz kimi, dünən hüquq müafiəçisi, Demokratiyanın Müdafiəsinə Dəstək İctimai Birliyinin rəhbəri Vidadi İsgəndərli deputat, BAXCP sədri Qüdrət Həsənquliyevdən Korrupsiyaya Qarşı Mübarizə İdarəsinə müraciət edib. “Hefteaz.tv” saytı xəbər verir ki, həmin müraciətdə deputat korrupsiyada ittiham edilir.
Məsələ ilə bağlı Vidadi İsgəndərli ilə əlaqə saxladıq.”Hefteaz.tv” -ə açıqlamasında hüquq müdafiəçisi bildirib ki, Qüdrət Hüseynquliyevlə bağlı etdiyi müraciətindən dolayı yaxın günlərdə geniş açıqlama verəcək. Hazırda xəstə olduğunu qeyd edən təşkilat sədri vurğulayıb ki, açıqlamada bir sıra məqamlar yer alacaq. «Qüdrət Həsənquliyevlə bağlı etdyim müraciətimdə onun parlament seçkilərindən tutmuş, evləri, villaları, bahalı maşınları, obyektləri ilə bağlı hər şey yer alıb. Necə olur ki, heç bir fəaliyyəti olmayan, əlindən bir iş gəlməyən Qüdrətlər, Hafizlər və digərləri milyonluq maşınlarda gəzir, evlərdə qalır və seçki günü 45 min səs yığır, amma canını ortaya qoymuş Vidadi İsgəndərli cəmi 35 səs alır? Bu adamlar Kamaləddinlər, başqalarına güvənirsə, buyursunlar iddialarımı təkzib etsinlər. Mən Qüdrət Həsənquliyevə də xəbərdarlıq etmişəm ki, o, kimlərləsə bacara bilər, amma mənimlə yox. Həm də ona xəbərdarlıq etmişəm ki, üzərindən bulduzer kimi keçəcəm».
Vidadi İsgəndərlinin bu açıqlaması ilə bağlı, “Hefteaz.tv” saytının təsisçisi və baş redaktoru Aqil Mahmudovun da münasıbətini öyrəndik. Saytımızın rəhbəri bildirdi ki, Hüquq müdafiəçisi Vidadi İsgəndərli heç kəsdən asılı olmayan müstəqil siyasət aparandır: “Cəmiyyət tərəfindən qəbul olunmayan və mənəviyyatsızlıqdan əziyyət çəkən bəzi “siyasəbaz”lar hesab edirdi ki, guya Vidadi İsgəndərov, Qüdrət Həsənquliyev tərəfindən maliyyələşir. Vidadi İsgəndərlini tanıyan şəxs kimi bildirirəm ki, o heç vaxt kiminsə monopoliyasında olmayıb və xalqının müdafiəsi üçün, lazım gələrsə öz qardaşı ilə mübarizə aparan şəxsiyyətdir. Bu gün əsil müxalifət Vidadi İsgəndərli kimi şəxslərdir”
