Sakinlər büdcə pullarının hesabını sorur
Baş həkim Rauf İsbəndiyarov hər ay icra başçısına 5 min manat haqq verməyə məcburdur.
Laçın rayon Səhiyyə İdarəsində çalışan insanların əmək haqqından hər ay 10 manat tutulur. Baş həkim öz işçilərinə tutulan vəsaitin icra başçısına verdiyini bildirir.
Laçın Səhiyyə idarəsində acınacaqlı vəziyyət yaranıb. Belə ki, icra başçısı ilə əlbir olan baş həkim Rauf İsbəndiyarovun səhiyyə idarəsini korrupsiya bataqlığına çevirdiyi iddia olunur. Bu barədə daxil olan məlumatda bildirilir ki, Laçın rayon Mərkəzi Xəstəxanasının baş həkimi Rauf İsbəndiyarov icra başçısı Akif Səlimovla birgə səhiyyə idarəsinə ayrılan vəsaitləri çapıb talayır.
Qeyd edək ki, Laçın rayon mərkəzi xəstəxanası Ağcabədi rayon Qayğı qəsəbəsində yerləşir. Laçın rayon Səhiyyə İdarəsinin nəzdində 18 xəstəxana, 19 ambulator poliklinika, 83 feldşer məntəqəsi və 1 təcili tibb yardım məntəqəsi fəaliyyət göstərir. Eyni zamanda səhiyyə idarəsində 100 həkim 423 tibb işçisi işləyir.
Bilgi verən etibarlı mənbə bildirir ki, Laçın rayon Səhiyyə idarəsinə son bir ildə satınalmalarla bağlı 120 min manat və rayon daxili büdcəsindən isə 250 min manata yaxın vəsait ayrılıb. Ayrılan vəsaitlər bir isə adı olub özü olmayan tibb məntəqələrinin cari təmiri adı altında silinərək mənimsənildiyi qeyd olunur.
Məlumata əsasən, baş həkim Rauf İsbəndiyarov icra başçısı Akif Səlimova arxalanaraq səhiyyə idarəsinin işçilərinin əmək haqlarından hər ay 10 manat saxlayır. Səhiyyə işçilərindən hər ay saxlanılan vəsaitin isə icra hakimiyyətinə və Səhiyyə Nazirliyinə “haqq” olaraq verildiyi bildirilir. Baş həkimin qazanc mənbəyindən biri isə Qayğı qəsəbəsində yerləşən mərkəzi xəstəxananın nəzdində olan Təcili Tibbi Yardım Mərkəzinə gündəlik saxta marşurutlar yazdıraraq ay ərzində dövlətin tonlarla yanacağını və dərman ləvazimatlarını silərək mənimsəməsi olduğu vurğulanır. Mərkəzi Xəstəxanın və bəzi tibb məntəqələrinin adına sənədləşdirilən ərzaq malların da baş həkim tərəfindən mənimsənildiyi idda olunur.
Qeyd olunur ki, hər ay rayon büdcəsindən Mərkəzi Xəstəxananın hesabına yardımlar altında ayrılan vəsaitlərdə məhz icra başçısı baş həkim cütlüyü tərəfindən bölünür. Eyni zamanda Akif Səlimovla isti münasibətləri olan baş həkimin hər ay “himayədarına” 5min manat haqq verdiyi iddia olunur. Qarşı tərəfin mövqeyini verməyə hazırıq…
