Twitter-də əməliyyatlarla bağlı yayılan xəbərlərdən sonra Gülən camaatı gecə səhərə qədər yata bilməyib.Avropa.info-nun Türkiyə mətbuatına istinadən verdiyi xəbərdə bildirilir ki, Twitter-də Fuat Avni tərəfindən Gülən camaatına qarşı kütləvi həbslərin həyata keçiriləcəyi ilə bağlı xəbərlərdən sonra həbs olunacaqları iddia olunan yazarlar Zaman qəzetinin ofisinə gələrək gecəni orada keçiriblər.
Keçmiş futbolçu Hakan Şükürün də dünən gecəni “Zaman” qəzetinin ofisində keçirdiyi bildirilir.
Açıqlamada “Zaman”, “Bugün” və “Taraf” qəzetlərinin baş redaktorları da daxil olmaqla bir çox işçisinin, həmçinin STV-nin də əməkdaşlarının həbs olunacağı bildirilir.
Fuat Avninin açıqlamalarına münasibət bildirən Fətullah Gülən isə belə açıqlamaların onları qorxutmayacağını söyləyib.
